حضن الآلم // مصطفى كرم
*** حضن الألم ***
مش ذنبي إني حبيتك
مش ذنبي إني فيك دايب
حاولت كتير أحوش نفسي
وعقلي فيك كان غايب
أشوف الضلمة نورها براح
وشمس عينيك كان وضاح
يشد مني توب الخوف
ويملاني غنا وأفراح
فإزاي أحرم أنا نفسي
وأنتى دنيتي وأمسي
وأنتى الأمل بكرا
منايا بقلبي دا تحسي
أقول أبعد وأنساك
وأطوي صفحة الأحلام
وأنسي إني بهواك
يسكني أنين والآلام
هحضن جرحي وآلامي
وأصاحب حزن أيامي
وأعود نفسي ع النسيان
ولو حتى ف أحلامي
ومسير الدنيا بينا تدور
وييجي يوم عليك الدور
وتعرف قيمتي ووجودي
وقلبي اللي عاش مكسور
هتقولي فعلا أنا ظالمة
مكنتش بالغرام فاهمة
وعايشة الدنيا من بره
وعلى فراقك أنا نادمة
وتتمنى الزمن دا يعود
وتسمعي منى أحلى وعود
لكن حلمك من الأوهام
ومستحيل زمنا يعود
دا حبك ليا درس متين
مديش الحنان دا لمين
وأعيش الدنيا دي لنف
سي
وأبيع أي ناس بايعين
**************************
بقلم / مصطفى كرم
تعليقات
إرسال تعليق