خل لي حالي // ابن حميد
خَل لي حالي
يا بحر انا جيت اقل لك خَل لي حالي
الملح حقك دخل عيني وجروحها
ما مثلك الا دموع العين يا غالي
بالطعم واللون بل حتى ومطرحها
لك طعم مالح يشوه وجهك الحالي
مثل الدموع الذي في الوجه مسرحها
في طعمها الملح يخدش بسمة السالي
مملوحة الطعم ما تحتاج تملحها
والفعل مثلك بملحك تغسل البالي
وهي بتغسل بملح الدمع مسبحها
واليوم جيت اقصدك واحط لك شالي
واقل لك افسح بذيه الجاه وافسحها
في بالي إحساس بالي ضاق به بالي
وعندي اقوال جمه ما اقدر اشرحها
هي نفسها الحزن والسلوان لاحوالي
ونفسها تجرح البسمه وتفرحها
يعني عجزت اني اشرحها في اقوالي
واحترت منها وفيها كيف اوضحها
ان جيتك اكتب بيمك خل لي حالي
ترسل لي الموج يقرأها ويمسحها
احيان احس ان قصري داخلك عالي
واحيان احس انك احزاني ومرزحها
تميل واميل بالحاني وموالي
تحت المحبه ولو تقسى وتقدحها
كم التقط لك صور بالحسن جوالي
وكم حفظها وبروزها ونقحها
لكن خلاصة خبرها اليوم كالتالي
با ارسم لك احساس مهجه وانت صلحها
عنوانها لا انت خلي خل لي حالي
انت الذي تفرح اشجاني وتجرحها
✍ إبـ حُميـــد ـن
تعليقات
إرسال تعليق